CM + DC = MD
nakasalubong kong muli ang gayong tanong
sa krosword na pulos letra ang dapat tugon
at Roman Numeral na naman ang ekwasyon
nine hundred plus six hundred ang tanong na iyon
one thousand five hundred ang sumatotal nire
C.M. plus D.C., agad kong sagot ay M.D.
di doktor ang tugon sa mutyang binibini
di rin iyon naibulong sa tatlong bibe
krosword man at di Sudoku o Aritmerik
pagsagot nito'y talagang nakasasabik
sa mahirap na tanong, diwa'y dinidikdik
makatang tulad ko'y di agad makaimik
buti't may nauna nang aking nasagutan
Roman numeral din ang ekwasyong nagdaan
salamat, naeehersisyo ang isipan
at naihahanda sa matitinding laban
- gregoriovbituinjr.
04.02.2023
Walang komento:
Mag-post ng isang Komento