PAYÒ SA PANAGINIP
kagabi'y napanaginipan ka
payo'y gamitin ko ang gitara
aking mga tula'y gawin kong kanta
bakasakaling dito magkapera
batid mong walang salapi sa tulâ
kahit tambak-tambak ang aking kathâ
salamat sa payo, sintang diwatà
tumutulong kahit ikaw na'y walâ
salamat sa gitara mong binili
at sa akin, ito'y magkakasilbi
aawitin yaong tinig ng api
lalo't sa bayan alay na'y sarili
salamat, sinta ko, sa iyong payò
bagamat yaring puso'y nagdurugô
- gregoriovbituinjr.
03.10.2026
Walang komento:
Mag-post ng isang Komento