ANG DI KO MASABI
marami akong nais sabihin
subalit di ko naman masabi
pluma ang tumutulong sa akin
sa mga di dapat isantabi
bagamat ang bawat tula'y tulay
sa pagitan ng maraming puwang
tilà baga ako'y naglalakbay
sa mga masusukal na ilang
minsan, nasasabi sa megaphone
ang puna sa di katanggap-tanggap
minsan, nabibigkas sa microphone
ang maiilap na pangungusap
ngunit madalas, di ko masabi
ang wala sa loob kong panimdim
kung paanong ang dapat masabi
ay nasa loob kong mataimtin
- gregoriovbituinjr.
02.02.2026
Walang komento:
Mag-post ng isang Komento