PAGBABASA'T PAGNINILAY
patuloy lang akong nagniniay
nagtatahi ng pala-palagay
magpa-Pasko subalit may lumbay
pagkat nag-iisa na sa buhay
abang makatâ sa kanyang kwarto
ay pinaligiran na ng libro
paksa'y pulitika, kuro-kuro
tulâ, saliksik, pabulâ, kwento
balik-balikan ang kasaysayan
ng daigdig, iba't ibang bayan
basahin pati na panitikan
ng katutubo't mga dayuhan
ganyan ang gawain ko tuwina
pag walang rali, magbasa-basa
at magsulat ng isyu ng masa
nang sistema'y baguhin na nila
- gregoriovbituinjr.
12.24.2025
Walang komento:
Mag-post ng isang Komento