NASAAN NA SI MANG NILO?
kaytagal ko nang binabasa si Mang Nilo
sa komiks niyang Bugoy sa isang diyaryo
napansin ko na lang nawala ngang totoo
ang Bugoy sa Pang-Masa, nalulungkot ako
sinesante ba siya sa kanyang patawa?
sa ibang diyaryo ba'y lumipat na siya?
di makagampan ng trabaho't maysakit na?
o namatay na ba ang idolo ng masa?
walang balita, saan ka man naroroon
nawa'y maayos ang kalagayan mo roon
patuloy sa patawa pagkat iyong misyon
na pagaanin ang buhay ng masa ngayon
salamat, Mang Nilo, at sa komiks mong Bugoy
sumaya kami sa likha mong tuloy-tuloy
mga patawa mo'y walang paligoy-ligoy
na pag aming binasa'y talagang may latoy
- gregoriovbituinjr.
10.27.2025
* litrato mulâ sa pahayagang Pang-Masa, p.7, isyu ng Agosto 25, Setyembre 3, Oktubre 5, at Oktubre 25, 2025
Walang komento:
Mag-post ng isang Komento