DPWH CONTRACTOR, GAHAMAN DAW?
nagpatama na naman si Kimpoy
salita'y walang paligoy-ligoy
pag pamilyang gahaman sa pera
ano raw ang tawag sa kanila?
DPWH Contractor po
aba'y kaygalang ng bata, may 'po'
batid sa Barangay Mambubulgar
ang kalokohan kaya nang-asar
ibig sabihin, na kahit bata
na danas din marahil ang baha
na pondo sa proyektong flood control
ay bayan talaga ang binudol
kawawang bayan kong walang alam
kung di nagbaha'y di malalaman
dapat lang imbestigahan ito
maysala'y parusahang totoo
- gregoriovbituinjr.
09.05.2025
* komiks mula sa pahayagang Bulgar, Setyembre 2, 2025, p.4
Walang komento:
Mag-post ng isang Komento