Huwebes, Hulyo 25, 2024

Palikero

PALIKERO

bata pa nang salitang palikero'y batid
dahil sa kapitbahay, tatak iyon ng dyip
ang "Palikerong Banal" agad ang naisip
na namamasada noon sa Balic-Balic

salita iyong sagot sa palaisipan
noong una'y di ko agad mawari naman
Babaero: Tatlumpu't Dalawa Pahalang
aba'y Palikero pala ang kasagutan

halos ilang dekada na, gayon katagal
batid ko na ngayon ang Palikerong Banal
salitang magkataliwas, di magkatambal
na kahulugan pala'y Babaerong Banal

salamat sa krosword at tayo'y natututo
ng lumang salita tulad ng Palikero
di ko na nasangguni pa ang diksyunaryo
sapat nang batid, Palikero'y Babaero

- gregoriovbituinjr.
07.25.2024

* krosword mula sa pahayagang Abante Tonite, Hulyo 25, 2024, p.7
sa

Walang komento:

Mag-post ng isang Komento

Mag-subscribe sa: I-post ang Mga Komento (Atom)

40 days at 40 nights na sa ward

40 DAYS AT 40 NIGHTS NA SA WARD umabot na kami ng apatnapung araw at apatnapung gabi dito sa ospital kaytagal namalagi, pagkain ay lugaw paa...

  • Chess Master Nicolas, 11, pipiga ng utak
    CHESS MASTER NICOLAS, 11, PIPIGA NG UTAK muling makikipagpigaan ng utak si  Nika Juris Nicolas  na sasabak sa torneyong  World Cadet Rapid a...
  • Payak na hapunan
    PAYAK NA HAPUNAN bangus na inadobo sa toyo at suka at ginayat na mga mumunting gulayin kamatis, sibuyas, at dahon ng sibuyas  na kaysarap ul...
  • Ang Diwata ng Gubat
    napakaganda ng kanyang mukhang di masilayan sabik nang makita ang diwata ng kagubatan nawa'y makaharap ang pangarap kong paraluman tu...