MAINGAY MAN, MAKAPAGSUSULAT KA
huwag kang maniniwala sa nagsasabing
hanap nila upang magsulat ay tahimik
na lugar, bagito pa sila't nanghihiram
pa ng anumang paksa sa katahimikan
huwag kang magsulat sa lugar na tahimik
kung manghihiram ka lang ng paksa sa putik
doon ka sa maingay na lugar, marami
kang paksang maikukwento, nakawiwili
upang makasulat, dapat may sasabihin
kung maraming nasa utak, agad sulatin
huwag kang magsulat sa tahimik na lugar
baka makatulog ka lang, imbes umandar
iyan ang teknik, dapat may sasabihin ka
paksa'y laksa sa paligid, ipunin mo na
malakas man ang isteryo ng kapitbahay
ugong man ng motor o may kudetang tunay
- gregoriovbituinjr.
04.06.2024
Walang komento:
Mag-post ng isang Komento