ALAGA
muli kaming nagtagpo ng alaga
mula sa mahaba kong pagkawala
ngayon ay malaki na silang pusa
ako'y nakilala pa nilang sadya
nagsilapitan nang makita ako
gutom at ngumingiyaw silang todo
hinaplos-haplos ko sila sa ulo
at sa maganda nilang balahibo
naisip kong ibigay ang natira
ko sa pinritong isda sa kanila
tulad noon, kami'y hati talaga
buntot, tinik, laman, ulo't iba pa
nakita ko rin ang iba pang kuting
sa labas, may ibang nagpapakain
labing-isa noon ang alagain
may ibang buhay na't kaylaki na rin
- gregoriovbituinjr.
12.04.2023
Walang komento:
Mag-post ng isang Komento