Lunes, Abril 4, 2022

Balagtasan at Balagtasismo

BALAGTASAN AT BALAGTASISMO

Mabuhay ang makatang Balagtas
sa kanyang mga obra maestras
pagbubunyi sa dakilang pantas
na inspirasyon ngayon at bukas

sisne ng Panginay nakilala
may-akda ng Florante at Laura
awtor ng Orozman at Zafira
kinatha'y Mahomet at Constanza

mula sa kanya ipinangalan
ang Balagtasismo't Balagtasan
pamana't aktibidad pambayan
sa masa'y sadyang makabuluhan

Balagtasan at Balagtasismo
na umakit sa mga tulad ko
ay mga ideyang naimbento
noong ikadalawampung siglo

Balagtasan ay balitaktakan
sa isyung pangkultura't pambayan
dalawang makata'y maglalaban
patula, diwa'y magpipingkian

tinatawag na Balagtasismo
yaong mga tulang ang estilo
pagdating sa pantig, rima't metro
ay tulad ng kay Balagtas mismo

Balagtasismo'y sukat at tugma
ang nangungunang estilo't katha
Modernismo naman ay malaya
sa tugma't sukat sa mga tula

pagsulong ng panulaang bayan
ay talaga ngang kinagiliwan
may talinghaga, diwa't kariktan
pamanang tunay sa sambayanan

- gregoriovbituinjr.
04.04.2022
sa

Walang komento:

Mag-post ng isang Komento

Mag-subscribe sa: I-post ang Mga Komento (Atom)

Tatlong nakadaupang palad na kongresista laban sa korapsyon

3 NAKADAUPANG PALAD NA KONGRESISTA LABAN SA KORAPSYON Maikling anekdota at tula ni Gregorio V. Bituin Jr. Noong kinakampanya ko ang  Disyemb...

  • Anak ni Pacman, muling lalaban
    ANAK NI PACMAN, MULING LALABAN katukayo pala ni Pacman ang boxer na anak na nagngangalang  Emmanuel Joseph "Eman" Bacosa na muling...
  • Sina Alyssa Valdez at Alex Eala
    SINA ALYSSA VALDEZ AT ALEX EALA sina  Alyssa Valdez  at  Alex Eala dalawang batikan, atletang Pilipina tennis si  Alex  at volleyball si  Al...
  • Palaisipan
    PALAISIPAN inaalmusal ko kadalasan ang pagsagot ng palaisipan agad bibili ng pahayagan pag nagising kinaumagahan o kaya'y palaisipang ak...