Martes, Marso 1, 2022

Tayo naman

TAYO NAMAN

sigaw natin: "Manggagawa Naman!"
ilagay natin sa panguluhan
ang ngalang Ka Leody de Guzman
sigaw ng obrero: "Tayo Naman!"

pag pinag-isipan, anong lalim
sagipin natin mula sa dilim
itong bayang inabot ng lagim
sa patayang karima-rimarim

sagipin natin ang ating nasyon
mula sa matinding pagkagumon
sa lintik na liberalisasyon,
deregulasyon, pribatisasyon

habang ating itinataguyod
ang living wage, pagtaas ng sahod
baligtad na tatsulok ang buod
ng pangarap na kalugod-lugod

tutulungan ang bata't babae
vendor, maralita, at pesante
at labanan ang mga salbahe:
ang burgesya't trapong asal-bwitre

"Tayo Naman!" na animo'y suntok
sa buwan subalit nanghihimok
palitan na ang sistemang bulok
at dukha ang ilagay sa tuktok

- gregoriovbituinjr.
02.28.2022
sa

Walang komento:

Mag-post ng isang Komento

Mag-subscribe sa: I-post ang Mga Komento (Atom)

Karahasan ng magulang sa mga anak

KARAHASAN NG MAGULANG SA MGA ANAK sa dyaryong Bulgar, dalawang tampok na ulat hinggil sa panggagahasa ng mismong tatay sa mga anak, edad apa...

  • Sardinas man ang ulam ko
    SARDINAS MAN ANG ULAM KO ulam ay dapat masarap kahit dama'y naghihirap maaabot ang pangarap kung talagang magsisikap pagsikapang mawala ...
  • Ang Diwata ng Gubat
    napakaganda ng kanyang mukhang di masilayan sabik nang makita ang diwata ng kagubatan nawa'y makaharap ang pangarap kong paraluman tu...
  • Pandesal at tsaa
    PANDESAL AT TSAA agahan ko'y pandesal at tsaa tara, tayo'y mag-almusal muna bago pumasok sa opisina o di kaya'y bago mangalsada ...