mahal na ang tubig at kuryente
gasul, gasolina't pamasahe
at ang pangunahing binibili
bigas, sahog, isda, gulay, karne
anong tindi ng pagmamahalan
ng batayang pangangailangan
presyo'y sumisirit nang tuluyan
anong sakit sa puso't isipan
pagmamahalang bakit ganoon
sa mamamayang di makaahon
sahod nga'y nakapako lang doon
di na tumaas, di maibangon
"Sahod Itaas! Presyo Ibaba!"
ang sigaw ng mga manggagawa
kahilingang dapat lang at tama
upang sa hirap ay makawala
- gregoriovbituinjr.
03.27.2022
- litratong kuha ng makatang gala sa pagkilos sa DOLE, 03.14.2022
Walang komento:
Mag-post ng isang Komento