Samutsaring muni
minsan, di ko na madalumat
bakit ako nagkakasugat
di lang sa katawan o balat
kundi ang pusong nagkapilat
pinapasok ko man ang lungga
nitong mababangis na daga
dahil ang kapara ko'y pusa
na dadalaw sa minumutya
isasargo ko na ang bola
upang maipasok ang pula
bakasakaling makapasa
sa pagsusulit at balasa
kaharapin man ang pighati
sa pakikibaka'y lalagi
suliraning malaki't munti
malulutas di't di hihindi
pipitikin kita sa ilong
pag di mo nasagot ang tanong
kung pipitas ka man ng labong
ilutong kasama'y bagoong
- gregoriovbituinjr.
- litratong kuha ng makatang gala sa isang bangketa niyang dinaanan
Walang komento:
Mag-post ng isang Komento