muli na namang kumatas sa diwa ang adhika
upang kalikasan ay muli nating maalaga
matapos mailibing ang ekobrik na nagawa
ngayon naman ay muling mag-uumpisa sa wala
nilibing sa hagdang bato ang ekobrik kong likha
upang magsilbing sagisag nang tao'y maunawa
na ang kalikasan ay tahanan din nating pawa
kaya bakit tayong tao ang dito'y kakawawa
panibagong ekobrik na naman ang gagawin ko
matapos naming ibaon doon sa hagdang bato
ang dalawampu't isang ekobrik nitong Agosto
katapusan ng buwan, gagawa muling seryoso
narito't nag-ipon muli ng mga boteng plastik
at mga plastik na balutang gagawing ekobrik
lilinisin at guguputin, saka isisiksik
ang nagupit sa bote't patitigasing parang brick
- gregoriovbituinjr.
Walang komento:
Mag-post ng isang Komento