maglalakad ako upang mamulot ng basura
lalo't na't mga plastik na pwedeng iekobrik pa
mag-iikot sa bayan nang may magawa tuwina
kaysa nakatunganga sa panahong kwarantina
ang mga balutang plastik ay basta itinapon
istro, baso, at boteng plastik ang nais maipon
habang naglalakad, nag-iisip, naglilimayon
anong paksa ang itutula buong maghapon
di ko naman tinutularan si Samwel Bilibid
nakakulong sa paglalakad at ligid ng ligid
kung may dagat lang, lalanguyin ko ito"t sisisid
ngunit ngayon para sa paksa'y magmamasid-masid
di maaaring aktibista ka'y nakatunganga
maaari akong tumunganga pagkat makata
sa imahinasyon ay kinakatha na ang akda
at sinusulat sa kwaderno upang di mawala
sana'y makarami ng plastik na ieekobrik
gugupiting maliliit ang napulot na plastik
at sa boteng plastik nga'y muli akong magsisiksik
patitigasin ko itong parang hollow block o brick
ngayong lockdown, ganyan akong animo'y isang hangal
mabuti't di ko pa naiisip magpatiwakal
nais ko pa kasing makibaka para sa dangal
ng dukha laban sa namumunong utak-pusakal
- gregbituinjr.
Mag-subscribe sa:
I-post ang Mga Komento (Atom)
Tulampati sa ikasampung anibersaryo ng CEED
TULAMPATI SA IKASAMPUNG ANIBERSARYO NG CEED taasnoong pagpupugay sa CEED pagkat kalikasa'y di nabulid sa pagkasira, inyong hinatid...
-
SA UNANG ARAW NG HULYO unang araw ng Hulyo, kaygandang ngiti'y bumungad kaya saya'y nadama sa umagang bumukadkad pampasigla upang ga... -
ANG MGA NALILIRIP iniisip ko pa ring kumatha ng nobelang tatatak sa madla inspirasyon ang danas ng dukha upang sa hirap ay makalaya nagsasal... -
ANAK NI PACMAN, MULING LALABAN katukayo pala ni Pacman ang boxer na anak na nagngangalang Emmanuel Joseph "Eman" Bacosa na muling...
Walang komento:
Mag-post ng isang Komento