SA PANAHON NG LIGALIG
tila baga magsasaklob na ang langit at lupa
pagkat nariyan na ang salot na pagala-gala
unti-unting nilalagnat ang mga mahihina
hanggang sa sila'y magdusa't maging kaawa-awa
bihira nang lumabas ang paruparo't bubuyog
pagkat mga rosas sa hardin ay di na malusog
sa talulot at nektar ay tila di mabubusog
habang ang munting halamanan ay aalog-alog
sa mundo'y naglipana ang samutsaring sakit
sa bulsa, sa puso't isip, sa matang nakapikit
di pa makalikha ng mga marubdob na awit
habang naririnig lang ay pawang hikbi at impit
marami nang taranta sa panahon ng ligalig
butse'y pumuputok ng nilalagnat na daigdig
kabi-kabilang balita'y sadyang nakatutulig
gamot nga ba rito'y di maunawaang pag-ibig?
- gregbituinjr.
Mag-subscribe sa:
I-post ang Mga Komento (Atom)
Pandesal, salabat at malunggay tea
PANDESAL, SALABAT AT MALUNGGAY TEA payak lamang ang aking inalmusal malunggay tea, salabat at pandesal sa iwing resistensya'y pampatagal...
-
SARDINAS MAN ANG ULAM KO ulam ay dapat masarap kahit dama'y naghihirap maaabot ang pangarap kung talagang magsisikap pagsikapang mawala ... -
PASKIL nadaanan kong muli ang paskil kaya naroong napapatigil baligtad ba'y ginawa ng sutll? basura'y lipana't di matigil paalal... -
PATAY NA KUKO'Y GINUPIT itong patay kong kuko ay agad kong ginupit buka na kasi ito subalit di masakit ito'y tubuan kaya ng panibago...
Walang komento:
Mag-post ng isang Komento